Substantijvh jïh pronomenh
Substantijvh
Substantijvh leah nommh jallh lahtesh v.g. aatide, almetjidie, juvride, sijjide, mah dovne konkreete jïh abstrakte.
Mijjieh substantijvide sojjehtibie gaektsie kasusi mietie; nominatijve, akkusatijve, genitijve, illatijve, inessijve, elatijve, komitatijve, essijve.
gåetie
baernie
Aanta
bïenje
vuerteme
nïekedasse
Stoerevaerie
Pronomenh
Pronomenem nuhtjebe substantijven sijjeste. Mijjieh pronomenidie sojjehtibie dej seamma gaektsie kasusi mietie goh substantijvh.
Joekehts pronomenh gååvnesieh.
Persovneles pronomenh
manne, datne, dïhte, satne
månnoeh, dåtnoeh, dah guaktah, såtnoeh
mijjieh, dijjieh, dah, sijjieh
Gosse raajesen subjektese vuesiehtidh dellie satne, såtnoeh, sijjieh nuhtjebe.
Aajja jeehti satne edtja dåeriedidh.
Aajja = subjekte
Aajja ← satne
Potensijaale hammoeh
Persovneles pronomeni aaj åenehks hammoeh mah potensijaale hammoeh.
mån, dån, sån
min, din, sin
mih, dih, sih
Potensijaale hammoeh nuhtjebe gosse mij ij leah vihties.
Gie sån dïhte?
Ibie mih asth.
Tjuvtjiedimmie-pronomenh
Maehtebe mïsse-akt tjuvtjiedidh jïh soptsestidh man guhkie soptsestæjjan luvhtie dan gåajkoe man bïjre soptseste. Pronomenen njieljie hammoeh, daate mij soptsestæjjan öövre lïhke jïh dohte mij guhkemes destie.
daate
dïhte
doete
dohte
Attributtijve hammoeh
Dah tjuvtjiedimmie-pronomenh maehtebe aaj attributijvine nuhtjedh substantijven åvtelen.
dïhte gåetie
dam gåetiem
dan gåetien
dan gåatan
dennie gåetesne
dehtie gåeteste
dejnie gåetine
dejnie gåetine
Refleksijve pronomene
Refleksijve pronomene jïjtje vuesehte bååstede raajesen subjektese. Persovnen jïh taalen mietie sojjesåvva seammalaakan goh subjekte.
jïjtje
Reflesijve pronomene jïjtje kasusem åådtje raajesen funksjovneste.
Buerebe jïjtje dam darjodh.
Jïjtse eejtegidie gihtji jis åadtjoeji dåeriedidh.
Tjaelieh jïjtjedh nommem daase!
Resiprovke pronomene
Resiprovke pronomenem sinsitnie- nuhtjebe gosse edtjebe maam akt soptsestidh mij almetji gaskemsh.
sinsitnie-
Resiprovke pronomenem sojjehtibie dej seamma gaektsie kasusi mietie.
Luste sinsitniem råakedh jïh åahpenadtedh.
Sinsitneste saernieh åadtjoejin govledh.
Årroejidie gïemhpe sinsætnan!
Gihtjeme-pronomenh
Joekehts gihtjeme-pronomenh gååvnesieh.
mij
gie
gåabpa/gåabpetje
guhte
Gihtjeme-pronomenem mij nuhtjebe gosse aati jallh juvri mietie gihtjebe. Gihtjeme-pronomenem gie nuhtjebe gosse almetji mietie gihtjebe.
Mij daate?
Gie dïhte nïejte?
Gihtjeme-pronomenem gåabpa/gåabpetje nuhtjebe gosse gie jallh mij gööktijste gihtjebe. Guhte nuhtjebe gosse jienebi mietie gihtjebe.
Gåabpa (dotneste) båarasåbpoeh?
Guhte (dijjeste) båarasommes?
Relatijve pronomenh
Dah seamma gihtjeme-pronomenh dovne relatijve-pronomeninie nuhtjebe relatijve-raajesisnie.
Leaksoem joe dorjeme, maam jååktan åadtjoejim.
Dïhte nïejte, gie laavloeminie, mov onne-åabpa.
Im guarkah, mestie naemhtie sjïdteme.
Ov-vihties pronomenh
Jeatjah aaj pronomenh mah eah leah vihties, v.g.: (ij) gie, (ij) mij, (ij) guhte, (mah) guhte:
Ij gie annje diekie båateme.
Im maam gan vuejnieh.
Mah guhte sæjhta dåeriedidh?
Jeatjah aaj ov-vihties pronomenh, v.g.: mij akt, gie akt, maam joem, fïerhte, fïere guhte, mubpie (nubpie), muvhte, muvhth, jeatjah, gaajhke, gaajhkh, gaajhkesh, jïjnje, jïjnjh, jïjnjesh.