Barkh bigkeme-faagine
1. Veeljh darjoemassem
Datne edtjh barkoe-prosessem/darjoemassem veeljedh jïh dam buerkiestidh. Digkedh lohkehtæjjine jïh veeljh teemam mejnie sïjhth barkedh. Darjoeh barkoe-buerkiestimmiem gusnie faage-maahtoem jïh sjiehteles faage-gïelem nuhtjh.
Mejnie barkedh?
gåetiem/tseegkeldahkem bigkedh
gåetiem/ tseegkeldahkem jeatjahtehtedh
gåetiem/tseegkeldahkem gorredidh
gåetiem/tseegkeldahkem guvviedidh jïh soejkesjidh
klijma- jïh teknologjie-råajvarimmiem soejkesjidh
sjiehteles ïebnh jïh materijaalh utnedh
sjiehteles dïrregh jïh maskijnh utnedh
ryöknedh man dovres sjædta
saemien gåetiem/tseegkeldahkem soejkesjidh
jeatjah
Mah ïebnh jïh materijaalh daarpesjh?
moere, fealloe, tïmpere, stuehkie
Man jïjnje jallh man gellie dejstie ïebnijste jïh materijaalijste daerpies?
Mah dïrregh jïh maskijnh daarpesjh?
vuepsie-baante, sïevestahke, saakoe, baante-saakoe, aaksjoe, nejpie, vietjere, spæjhkerh, rehkere, goevele, vïerhke, fæjloe, saedtie-paehpere, bastestahke, naapere, naapere-maskijne, botnje-ruevtie, botnjesh, naevlieh, mudterh
Guktie darjodh?
snihkedh VI, snæhkadidh, sååkesjidh, tjoehpedh IV, spijhkierdidh, noeredh IV, bastestidh, båeriehtidh, rehkierdidh, naepierdidh, voeledh IV, naajedh IV, gohpedh IV, goeveldidh, vierhkiedidh, fïjledidh, jalkesjidh, veajahtidh
Guktie sjïehtedidh?
vuepsiedidh/ vuemsiedidh, mööledh VI, unniedidh, stueriedidh, guhkiedidh, guhkiedistedh I, åeniedidh, åeniedehtedh, jissiedidh, jissiehtehtedh, gyssedehtedh
2. Guktie barkoe-buerkiestimmiem darjodh
Datne edtjh barkoe-prosessem/darjoemassem åehpiedehtedh jïh guvviejgujmie aaj vuesiehtidh maam darjoeh:
Tjaelieh gåessie, gusnie jïh gie edtja barkemem/darjoemassem darjodh.
Tjaelieh maam edtjh darjodh jïh man åvteste.
Tjaelieh mah viehkievierhtieh mejtie utnedh jïh HMS-råajvarimmieh (healsoe, byjrese jïh jearsoesvoete).
Vuesehth jïh soptsesth guktemeslaakan barkedh jïh vaelieh guvvieh mearan barkeminie.
Tjaelieh jïh vuesehth maam darjoejih, guktemeslaakan darjoejih jïh maam tjoerih jeatjahtehtedh jïh orresistie darjodh.
Tjaelieh jïh vuesehth guktie gåaradi jïh maam lïereme.
Vaeltieh guvvieh mearan barkeminie
Datne edtjh vuesiehtidh maam darjoeh jïh guktemeslaakan barkh. Vaeltieh guvvieh mearan barkeminie.
Mah sjïere faage-baakoeh daerpies?
Mah sjïere baakoeh daarpesjh? Tjaelieh dejtie, ohtsedh sjïehteles baakoeh (substantijvh), v.g.:
möölege, ståaroe, gåhkoe, jassoe, jalloe
Guktie edtjh darjodh? Tjaelieh guktemeslaakan darjodh, ohtsedh sjiehteles baakoeh (verbh), v.g.:
mööledh, sjïehtedidh, stuerididh, jieniedidh, unniedidh, vaeniedidh
3. Tjaelieh barkoe-buerkiestimmiem (loggem)
1. boelhke
Aalkoe (daatove/tsåahka):
Orrijimmie (daatove/tsåahka):
Barkijen nomme/barkiji nommh:
Barkoe-sijjie/skuvle:
2. boelhke
Maam darjodh:
Man åvteste dam darjodh:
Guktie edtja sjïdtedh (barkemen/darjoemassen ulmie):
3. boelhke
Dïrregh/maskijnh mejtie utnedh:
Ïebnh/materijaalh mejtie utnedh:
Man jïjnjh/jïjnjem daarpesjh:
4. boelhke
Man dovres sjædta:
Guktemeslaakan darjodh:
HMS-råajvarimmieh (healsoe, byjrese jïh jearsoesvoete):
5. boelhke
Maam darjoejih (datne/dov dåehkie):
Maam tjoerih jeatjahtehtedh/ jeatjahlaakan darjodh:
Maam tjoerih orrestistie darjodh:
6. boelhke
Guktie minngemes sjïdti:
Guktie tuhtjh gåaradi:
Maam lïereme:
4. Vaestedh
Guktie gåaradi barkoe-buerkiestimmiem (loggem) tjaeledh? Mij lij aelhkie, mij lij geervebe? Buerkesth man åvteste.
Datne jienebh baakoeh daarpesjih mah eah åarjel-saemien baakoe-gærjine gååvnesh?
Mah lööneme-baakoeh datne daarpesjih?
Naan orre seerkeme-baakoeh jïjtje darjoejih?