Mah beapmoeh hæhtjosne jurjiehtidh?

Daelie gïjre-daelvie. Piere båatsoe-kaarre. Daan hïeljen edtja hæhtjosne årrodh, edtja bovtside vaaksjodh jïh raedtiem vuejedh. Pieren aajkohke Sööfe aaj desnie. Piere sov voelpem, Nejla, gihtjie mejtie Nejla sæjhta dåeriedidh.

Nejla: Maam edtjh daan hïeljen darjodh, Piere?

Piere: Manne edtjem hæhtjose vuelkedh. Mejtie sïjhth mannem dåeriedidh, Nejla? Daan hïeljen ajve aajkohke Sööfe jïh manne desnie.

Nejla: Dam sïjhtem! Maam edtjebe darjodh?

Piere: Mijjieh edtjebe bovtside vaaksjodh, men åadtjobe vuejnedh guktie vearelde sjædta. Håhkesjem mijjieh maehtebe bæjjese vaaran vuelkedh, men jis nåake vearelde, dellie tjoerebe hæhtjoen lïhke årrodh.

Nejla: Håhkesjem buerie vearelde sjædta.

Bearjadahken iehkeden eah Piere, Nejla jïh Sööfe asth dan jïjnjem jurjiehtidh. Dah sijhtieh njaelkies beapmoeh byöpmedidh, jïh sijhtieh beapmoeh mah maehtieh varki jurjiehtidh.

Nejla: Mah beapmoeh edtjebe hæhtjosne jurjiehtidh?

Piere: Bearjadahken iehkeden ibie asth dan jïjnjem jurjiehtidh, men maehtebe soeveme-bearkoem bissedh. Jyöne Jåvva jïh aajkohke Sööfe bearkoem joe soevestamme. Mah datne soeveme-bearkoem lyjhkh?

Nejla: Im dam maajsteme.

Piere: Dïhte joekoen njaelkie.

Nejla: Mah dïsse sjeahta? Pearah jïh joptse?

Piere: Soeveme-bearkose tuhtjem makarovnh buerebe goh pearah, men bisseme-munnieh aaj njaelkie. Im tuhtjh joptse sjeahta. Maam datne bööremes lyjhkh?

Nejla: Manne bööremes bisseme-munniem lyjhkem juktie im glutenem töölh.

Piere: Dellie hijven iehkeds-beapmoeh åadtjobe. Njaelkie jïh varki jurjiehtidh.

Vaestedh dejtie golme gyhtjelasside:

1. Mah beapmoeh edtjieh bearjadahken jurjiehtidh?

2. Maam beapmojde ij Nejla maajsteme?

3. Mannasinie ij Nejla sïjhth makarovnh jurjiehtidh?

4. Mij beapmojde Piere tuhtjie soeveme-bearkose sjeahta?

5. Mij beapmojde ij Piere tuhtjh soeveme-bearkose sjeahta?

6. Mah beapmoeh datne tuhtjh njaelkie jïh varki jurjiehtidh?

7. Mejtie naan beapmoeh mah ih datne töölh?