Tjaelije maahta vierhkie-vierhtieh nuhtjedh gosse teekstem tjaala, guktie dahkoe jïh ov-vaantoe. Daejnie tjaelije maahta gellie bielieh aamhtesistie vuesiehtidh seamma teekstesne.
Ov-vaantoe
Naan aejkien tjaelije aalka ov-vaantoen bïjre soptsestidh, mij novellen aalkoe. Tjaelije daamhtaj ov-vaantoen bïjre novellesne tjaala. Romaanine jïh guhkebe soptsesinie dellie daamhtaj gellie ov-vaantoej bïjre lohkebe.
Ov-vaantoe lea vuesiehtimmien gaavhtan:
- göökte jallh jienebh almetjh mah dïjveldieh
vuestie-bieliej bïjre almetji gaskemsh aktene daaletjen jallh dovletjen perspektijveste, vuestie-bieliej bïjre almetjen jïh seabradahken gaskem
- almetjen jallh almetji gïerve etiske veeljemen jallh veeljemi bïjre
Dahkoe
Novelline jïh jeatjah åenehks soptsesinie gaavnebe mahte eejnegen ajve akte dahkoe mij soptsesisnie jåhta. Guhkebe soptsesinie dellie daamhtaj jienebh dahkoeh. Jis dah ovmessie dahkoeh seamma aejkesne juhtieh, dellie mijjieh dejtie parallelle dahkojne gohtjebe.
Saemien | Daaroen |
|---|---|
dahkoe | handling |
ov-vaantoe | konflikt |
vuestie-bielie | motsetning |
CC BY-SASkrevet av Helen Blind Brandsfjell.
Sist faglig oppdatert 23.01.2024