I denne oppgåva skal du utarbeide eit storyboard til ein reklamefilm. Reklamefilmen skal vise til ei scene eller karakter i ein tv-serie eller film du har sett og kjenner godt.
Filmreferansar i reklamefilmar
Det finst mange reklamefilmar som har gjort det før: brukt kjende figurar eller scener frå filmar som til dømes Star Wars (bildet) eller Ringenes Herre.
Dersom du treng litt inspirasjon, kan du sjå på desse videoane før du byrjar:
- Informasjonsfilm for Air New Zealand inspirert av Ringenes Herre-trilogien.
- Reklamefilm for Volkswagen med ein liten versjon av Darth Vader som hovudkarakter (Star Wars)
Oppgåve: Teikn eit storyboard til ein reklamefilm med varigheit på 30 sekund
Førebuing:
- Reklamen skal vere for ein mobiltelefon, eit brusmerke, eit par joggesko eller eit klesmerke.
- Bruk referansar frå ein film eller tv-serie du kjenner godt.
- Sjå filmen eller ein utvald episode av tv-serien du ønsker å ta utgangspunkt i.
- Noter undervegs.
Teikn storyboard:
- Vel ei scene eller ein karakter som du ønsker å ta med inn i reklamefilmkonseptet.
- Ta utgangspunkt i ein mal for storyboard, eller lag eit eige oppsett.
- Bruk tekstfeltet til å kommentere teikninga.
- Hugs å notere kameravinklar og eventuelle kamerarørsler.
I denne artikkelen kan du få tips til hvordan lage et storyboard.
Drøft:
- Korleis kjem uttrykket du har teke i bruk frå din valde film/tv-serie fram i reklamefilmen du har planlagt?
- Kva effekt trur du ein slik reklamefilm vil kunne ha i møte med publikum?
- Vil det vere ein fordel om publikum kjenner att filmen eller tv-serien du viser til, eller trur du ikkje dette har noko å seie for kor godt filmen vil fungere?
CC BY-SASkrive av Tina Andersson Jensen. Rettshavar: Norgesfilm AS
Sist fagleg oppdatert 21.11.2018