Er du bevisst på kva du deler, og har du kontroll på personvern-innstillingane dine på sosiale medium? Sosiale nettsamfunn har system som kan gi deg og vennene dine ein tryggare kvardag på nett.
Oppgåve 1
Søk opp profilane til nokre av vennene dine på Instagram. Svar på desse spørsmåla:
- Kva har desse vennene publisert på Instagram-profilen det siste døgnet?
- Er profilane opne eller lukka? Kva tenkjer du om det?
- Finn du innlegg som inneheld opplysningar om andre som gjeld politisk oppfatning, tru eller seksuell legning? Kvifor skal ein vere forsiktig med å leggje ut sensitiv informasjon som dette? Les gjennom den relaterte artikkelen «Personvern i sosiale medium».
- Finn du bilete av deg sjølv på profilane til vennene dine? Gav du i så fall samtykke før det blei publisert?
- Les gjennom den relaterte artikkelen frå Datatilsynet om deling av bilete. Kva er reglane for deling av bilete på sosiale medium?
Relatert innhald
Nettside hos datatilsynet.no
Nettside hos datatilsynet.no
Oppgåve 2
Personvern: Gå inn på din eigen Instagram- og Snapchat-profil på Innstillinger.
- Kva innstillingar har du lagt inn for deg sjølv?
- Kvifor har du lagt inn desse innstillingane?
- Kvifor er det viktig å sikre personvernet sitt på sosiale medium?
- Les gjennom den relaterte artikkelen frå nettvett.no. Kva betyr totrinnsverifisering?
Relatert innhald
Nettside hos nettvett.no
Tenk over
Toler innlegga dine å bli sett av foreldra dine, arbeidsgivarar, skuleleiinga eller framande personar?
CC BY-SASkrive av Jan-Arve Overland og Eva Sophie Wolff-Hansen.
Sist fagleg oppdatert 20.11.2020