Daennie teemesne åadtjoeh gïelen bïjre lïeredh. Guktie mijjen gïele bigkeme, jïh guktie maehtebe tjaeledh. Gïele lea vihkeles biehkie mijjen identiteeteste, jïh gosse soptsestibie jïh tjaelebe, mijjieh soptsestibie gie mijjieh libie jïh gustie båetebe.

Daennie teemesne lïerh nomeni, verbi, seerkeme-baakoej, raajese-bigkemen jïh jarkoestimmien bïjre.

Ij saemien-gïelen baakoeh gaajhkese mïsse daerpies. Dan åvteste tjoerebe baakoeh löönedh daaroen-gïeleste jïh jeatjah ammes-gïelijste. Men lööneme-baakoeh jeatjah gïeli tjoejeme-systeemijstie båetieh jïh dan åvteste ij aelhkie daejredh guktie edtjebe daejtie orre baakojde tjaeledh saemien-gïelesne.