Daennie teemesne åadtjoeh gïelen bïjre lïeredh. Guktie mijjen gïele bigkeme, jïh guktie maehtebe tjaeledh. Gïele lea vihkeles biehkie mijjen identiteeteste, jïh gosse soptsestibie jïh tjaelebe, mijjieh soptsestibie gie mijjieh libie jïh gustie båetebe.

Daennie teemesne lïerh nomeni, verbi, seerkeme-baakoej, raajese-bigkemen jïh jarkoestimmien bïjre.

Saemien-gïele lea uraalen gïelijste jïh såevmien-ugrijken gïele-maadtoste. Daaroen-gïele jis indo-europeijen gïele. Vihkeles joekehtsh daej gïeli gaskem. Destie aaj gellielaaketje haestemh gosse jarkoestidh gïeleste måbpan.