Daennie teemesne åadtjoeh gïelen bïjre lïeredh. Guktie mijjen gïele bigkeme, jïh guktie maehtebe tjaeledh. Gïele lea vihkeles biehkie mijjen identiteeteste, jïh gosse soptsestibie jïh tjaelebe, mijjieh soptsestibie gie mijjieh libie jïh gustie båetebe.

Daennie teemesne lïerh nomeni, verbi, seerkeme-baakoej, raajese-bigkemen jïh jarkoestimmien bïjre.

Saemien-gïelesne mijjieh gellie nuepieh utnebe baakoeh seerkedh, orre baakoeh darjodh goh seerkeme-baakoeh. Seerkeme-baakoej leah joekehth seerkeme-gietjieh mah vielie bïevnesh maadth-baakojde lissiehtieh juktie orre baakoeh sjidtieh.