Hopp til innhold

Øvelse

Laavenjassh sjangeri bïjre

Laavenjassh teemese «Sjangerh».

LK20LK06
Guvvie jïjtjistie. Guvvie.

1. laavenjasse

Aamhtese-prosa jallh tjiehpies-lidteratuvre? Vuartesjh sjangere-læstoem.

  1. Mah tjaalegh leah aamhtese-tjaalegh jïh mah tjaalegh leah tjiehpieslidteratuvre-tjaalegh?
  2. Tjaelieh raajesem mij vuesehte mij sjïere fïerhtine sjangerinie.
    • romaane
    • åehpiedehteme
    • referaate
    • revye
    • novella
    • komedije
    • reektehtse
    • åejvie-artihkele
    • salme
    • gihtjedimmie
    • govlespïele
    • dikte/tjihtese
    • heamture
    • saernie
    • laavlome
    • biejjie-gærja
    • vearelde-bïevnese
    • learoe-gærja
    • musihkaale
    • vuelie

2. laavenjasse

  1. Mij lea joekehtse tjiehpieslidteratuvre-tjaalegi jïh aamhtese-tjaalegi gaskem?
  2. Neebnh 4 væhtah mah vihkeles nuhtjedh gosse edtjebe tjaalege- sjangerem buerkiestidh aktene tjaalegisnie.
  3. Man åvteste lohkije tjuara daejredh, man åvteste akte tjaalege lea tjiehpieslidteratuvre-tjaalege jallh aamhtese-tjaalege?
  4. Guktie sjangere-nomme maahta frijjevoetem tjaeliejasse vedtedh?
  5. Aamhtese-prosa jïh tjiehpies-lidteratuvre gellien aejkien ovmessie åssjelh utnieh. Man åvteste? Tjaelieh vuesiehtimmieh.
  6. Sïejhme sjangere hammoem åtna. Dan åvteste tjoerebe tjaalegem tjaeledh jïh bigkedh sjïere njoelkedassi mietie. Tjoerebe iktegisth daejtie njoelkedasside fulkedh? Buerkesth.

3. laavenjasse

  1. Mah sjangerh leah jarkesamme, jallh ibie vielie nuhtjh?
  2. Man åvteste sjangerh jarkesieh? Neebnh naan sjïekh.
  3. Neebnh naan sjangerh mah orre tv:sne jïh gaske-viermesne.
  4. Mïsse maehtebe mobijlem nuhtjedh?
  5. Mij sjangeridie iktegisth daarpesjibie? Tjaelieh vuesiehtimmieh mah dov vaestiedassem buerkiestieh.
  6. Båeries sjangerh maehtieh årrodh: Pamfelte, krönihke, topografihke buerkiestimmie jïh aforisme. Mah tjaalegh dah leah? Dah annje gååvnesieh?

4. laavenjassh

  1. Gosse gaskesadtemen bïjre soptsestibie, mij dellie akte medijume?
  2. Man åvteste ibie maehtieh medijumen namhtah gaskesadtedh?
  3. Guktie medijume maahta dïjren hammoem tsevtsedh? Neebnh vuesiehtimmieh.
  4. Magkerem medijumem nuhtjebe gosse soptsestibie?
  5. Neebnh aktem medijumem maam maehtebe nuhtjedh gosse edtjebe tjaeledh.
  6. Mah medijumh guvvesne gaavnh?

5. laavenjasse

Öörnh baakojde læstosne.

Mah sjangere-nommh? Mah medijumh?

  1. Åarjel faaroe
  2. mobijle-telefovne
  3. plaerie
  4. beapmoe-bïevnese
  5. fealadimmie-soptsese
  6. Facebook
  7. guvvie
  8. guvvie-raajroe
  9. gitaare
  10. tjaeleme-paehperh
  11. baakoe-gærja
  12. iPad
  13. barkoe-ohtseme
  14. heamture
  15. YouTube
  16. Snapchat
  17. provre-håaleme
  18. Idol
Sist oppdatert 13.03.2018
Skrevet av Liv Karin Joma og Marion Federl

Læringsressurser

Sjangerh