Lohkh artihkelem «Ingen språk i verden har flere begreper for snø enn sørsamisk» plaereste «Adresseavisen» 28.03.2021. Vaestedh gyhtjelasside.
Mah lopme-, daelhkie- jïh gåatome-baakoeh datne maahtah?
Datne baakoeh maahtah mah dov voelph jallh klaasse-voelph eah maehtieh? Mah baakoeh dah? Man åvteste dov voelph/klaasse-voelph eah dejtie baakojde maehtieh?
Veeljh aktem åarjel-saemien baakoem mij sjïere dutnjien. Man åvteste daate baakoe sjïere jïh vihkele dov mïelen mietie? Man åvteste vihkele dam baakoem maehtedh jïh guarkedh?
Neebnh golme baakoeh mah saemien kultuvrese sjïerelaakan vïedteldh dov mïelen mietie. Soptsesth mannasinie.
Jis ibie saemien båeries baakoeh nuhtjh, guktie dellie daej baakoejgujmie båetije biejjide?
Guktie maehtebe saemien baakoe-våarhkoem vaarjelidh dov mïelen mietie? Tjaelieh åenehkslaakan dan bïjre.