Soelege jïh nåejtie
Soelege jïh nåejtie
Jakob Fellmann
Soelege
Jupmele, mov jupmele, manne daesnie vaadtsehtjem
eatnamen sjadtojste vyöseme
jih kraesieh muerjieh tjöönghkeme moerh
jih gierkieh nuhtjeme
im leah årroeh-almetji eekem doehteme
eatnemem sjadtoem vaalteme
Almetje bööti mannem soeleginie gåhtjoeji
Nåejtie
Ih datne laanten vuekieh damth
ih gænnah daejrieh manne leam
vuartesjh mij sjædta jih geehtedh
Væhtah moerine dutnjien vaestiedassh vedtieh
dovne kraesiem jeatjh laakan gïehtjedidh
Soelege
Gie datne jis leah?
Ålma jallh vïenhth Jupmele?
Datne dïhte kraeside skaepiedamme
moeride sjïdtehtamme?
Ih leah goh datne ajve eatnemen haebjie
Goh manne, datne aaj goh juhtije juvre
Eah leah kraesieh dov
Eah leah moerh, gierkieh mijjen
Geehth dïhte mij lea dov
Hijven dïhte mij leah buerie
Novh gujht daajram datne gååvnesh
bahhas nåejtie eatnamisnie
Årroeh jïjtjedh sijjesne
nuhtjh kraeside mah dutnjien sjidtieh
Soptsestæjja
Soelege jïh nåejtie dåaroejægan
Minngemes vuelkiejægan johki, jaevriej rastah
Moerh jïh gierkieh gaptjijægan
Båeries almetjh
leah joejkeme
nåejtien darjomen bïjre sierrenohkide
Tïjjh båetieh, tïjjh vaesieh
Nåejtie leah vaejvies
sååjresje ovkristeld rïjhkh
meajadåvva vesties darjoeminie
Guhkiem sjeavohtsh jïh haavjoen
jeahta gosse nuepiem åådtje
Årroeh jïjtjedh lïhkebe!
Vualka dahkoe, bååstide debpede
Nåejtie ij maam buektedh darjodh
båakoestieh altese geeremisnie
soermide riekte steerie,
ij dejtie kråahkoeh
Nåejtie
Årroeh daelie åejvie
Soelege, datne muerjide, gierkide, kraeside
hïerrine sjïdteme
Dabpenh daestie, vuelkieh gååhkese
Debpede gubpede båatah, dahkoe edtjh vuelkedh
Manne ennje dov åejvie
Vualkam, vaaltam, vöörhkem
Slaevkestem datnem gååhkese daestie
Soelege
Datne dåssjenh
Gaaltije
Kappfjell, L. Jïh Gaski, Harald. (2005) Åvtese jåhta, åarjelsaemien tjaalegh jïh tjaalegh åarjelsaemien. DAT o.s