Fágaartihkal

Polára molekylat – láddagas ii leat dássedit juhkkojuvvon

Iešguđet atomat gesset iešguđet vuimmiin elektrovnnaid mat čatnet daid oktii. Dát sáhttá addit polára molekylaid, muhto dat vuolgá molekyla hámis.

Guovttii molekyla modeallat. Illustrašuvdna. — Váikko leat polára čanastagat karbondioksiidamolekyla siskkobealde, de lea molekyla polára olggosguvlui. Molekyla negatiiva ja positiiva láddagasat dássejit nubbi nuppi molekyla hámi dihte. Govva: Herman Bergwerf / CC0

Polára molekylat leat dipolat

Go atomat gesset iešguđet vuimmiin ovtta čanastaga elektrovdnabára, de čuožžilit láddagaserohusat. Čanastat mii doallá atomaid oktii, gohčoduvvo polára kovaleanta čanastahkan.

Dáinna lágiin sáhttá molekyla oažžut ovtta oasi mas lea muhtin muddui positiiva láddagas ja ovtta oasi mas lea negatiiva láddagas. Dalle lea dat polára molekyla. Mii gohčodit dakkár molekylaid dipolan.

Modealla ovtta molekylas mas leat guokte pola. Illustrašuvdna. — Dipola lea molekyla mas lea positiiva geahči ja negatiiva geahči. Govva: Thomas Bedin / CC BY-SA 4.0

Fuomáš ahte okta molekyla sáhttá leat eahpepolára olggosguvlui, vaikko leat polára čanastagat molekyla siskkobealde:

${CO}_{2}$ molekylas leat polára kovaleanta čanastagat oksygena ja karbona gaskkas. Molekyla lea aŋke eahpepolára olggosguvlui. Láddagasat molekyla siskkobealde sohpet lea nu ahte dássejit nubbi nuppi.

HCl-molekylas lea polára kovaleanta čanastat gaskkal klora ja hydrogena. Dát addá negatiiva geaži klor-atoma bealde ja positiiva geaži hydrogenatoma bealde. HCl lea polára molekyla.

Lea go molekyla polára? Guorahala lea go das

unnimusat okta polára kovaleanta čanastat – gávnna molekyla atomaid elektrovdnanegativitehta erohusa
hápmi mii dahká ahte láddagasat molekyla siskkobealde eai dásset nubbi nuppi - geavat elektrovdnačuokkis-struktuvrra ja VSEPR-modealla einnostit molekyla hámi

Polára molekylat leat dipolat

Lea go molekyla polára? Guorahala lea go das

Njuolggadusat teavstta geavaheapmái "Polára molekylat – láddagas ii leat dássedit juhkkojuvvon"