Vielie laavenjassh

1. Mah leah seammalaakan gaajhkine aamhtese-tjaaleginie?
2. Aamhtese-tjaalege jïh aamhtese-prosa eah leah seammalaakan. Buerkesth joekehtsem.
3. Neebnh 3 vihkeles væhtah mah vuesiehtieh tjaalege lea:

• funksjovneles aamhtese-prosa
• lidteræære aamhtese-prosa

Neebnh aaj mah sjangerh leah funksjovneles aamhtese-prosa jïh mah leah lidteræære aamhtese-prosa.

1. Tjiehpies-lidteratuvre lea hæhtadamme. Man åvteste ibie mijjieh mah lohkeminie, ussjedibie ij sisvege leah saatnan?
2. Neebnh man åvteste tjiehpies-lidteratuvrem lohkebe.
3. Mijjieh maehtebe tjiehpies-lidteratuvrem golmine dåehkine juekedh. Guktie dej nommh jïh man åvteste naemhtie juekebe?

Maam sjangere-nomme soptseste? Sjangere-nomme vuesehte mah sjïere væhtah akte tjaalege åtna, vuesiehtimmien gaavhtan hammoe, ulmie, teema, seedtije, dåastoje, medijume, jallh tsiehkie.

Vuartesjh læstoem gusnie ovmessie dikth. Buerkesth sjangere-nommide.

Vuesiehtimmien gaavhtan: Sjangere-nomme maana-dikte soptseste gïese dikte tjaaleme.

1. maana-dikte
2. heartoehtæjja-dikte
3. gæmhpoe-dikte
4. gieriesvoete-dikte
5. våhkoeplaerie-dikte
6. provre-dikte
7. geerve-dikte
8. juelkietjengkere-dikte
9. earoehtimmie-dikte
10. lustes-dikte

Maam sjangere-nomme soptseste? Sjangere-nommh vuelielisnie leah tjåanghkan-bïejeme jiehtegh.

• Buerkesth maam sjangere-nommh soptsestieh.
• Buerkesth jïjtjedh baakoejgujmie mij sjïere sjangerinie.

1. tjåanghkoe-referaate
2. kreeke-heamture
3. pååjke-gærja
4. historihke romaane
5. provre-håaleme
6. aassjoe-bïevnese
7. aajmoe-rapporte/aajmoe-reektehts
8. jus-lohkehtimmie
9. nuhtije-bïhkedimmie
10. tellefovne-soptsestimmie
11. våhkoe-plaerie