Guktie dogkoe gaavnem?
Daelie lïerh
gihtjedh jïh vaestiedidh
gåabph, gubpene, gubpede otnjegi mietie
buerkiestidh jïh guarkedh
gogkoe vaedtsedh
stilledh
imperatijvem nuhtjedh
1. Otnegh
Lïerh daejtie baakojde
2. Darjoeh laavenjasside
3. Goltelh jïh lohkh
Mah gåhkese Stoerre-jaavran
Tekstversjon
A: – Man gåhkese Stoerre-jaavran?
B: – Vïenhtem medtie bielie mïjle daebpede.
A: – Guktie dogkoe vaadtsam?
B: – Vaedtsieh voestegh noerhtese baalkan mietie Stoerre-tjahken vööste. Gosse boelte-raadtan båatah desnie stoerre pluevie. Sveehkesth dellie baalkeste.
A: – Gosse dogkoe båateme gogkoe dellie?
B: – Vaedtsieh dom pluevie-raedtiem jallese jïh dellie johke-bealam bæjjese. Gosse boelte-raedtien bijjelen båatah dellie johken rastah jïh vihth noerhtese.
A: – Gogkoe dellie jis?
B: – Dellie naa ohtje tjonnese båatah. Vaedtsieh tjonnen luvlie-bieliem. Gosse dle ånnetji bijjiebasse båatah don vaartose dellie Stoerre-jaevriem vuajnah.
A: – Gusnie låavth-gåetiem dle tseegkeme?
B: – Mov låavth-gåetie jaevrien åarjel-gaedtesne.
A: – Jaa nov sån, dellie gaavnem mån.
– Man gåhkese Stoerre-jaavran?
– Vïenhtem medtie bielie mïjle daebpede.
– Guktie dogkoe vaadtsam?
– Vaedtsieh voestegh noerhtese baalkan mietie Stoerre-tjahken vööste. Gosse boelte-raadtan båatah desnie stoerre pluevie. Sveehkesth dellie baalkeste.
– Gosse dogkoe båateme gogkoe dellie?
– Vaedtsieh dom pluevie-raedtiem jallese jïh dellie johke-bealam bæjjese. Gosse boelte-raedtien bijjelen båatah dellie johken rastah jïh vihth noerhtese.
– Gogkoe dellie jis?
– Dellie naa ohtje tjonnese båatah. Vaedtsieh tjonnen luvlie-bieliem. Gosse dle ånnetji bijjiebasse båatah don vaartose dellie Stoerre-jaevriem vuajnah.
– Gusnie låavth-gåetiem dle tseegkeme?
– Mov låavth-gåetie jaevrien åarjel-gaedtesne.
– Jaa nov sån, dellie gaavnem mån.
4. Darjoeh laavenjasside
5. Vaedtsieh dagkoe
Gosse gïem akt stilledh dellie verben imperatijvem nuhtjedh.