Minngie-beapmoe
Daelie lïerh
Nå lærer du
å snakke om hva man liker
1. Goltelh jïh lohkh
Beapmoej mænngan
Tekstversjon
Beapmoej mænngan
Piere: Man njaelkies njeerveme-peara!
Nejla: Novh sån, jïh njaelkies bearkoe-gaamsoeh!
Piere: Dah gujht njaelkies, men ånnetji garres.
Sööfe: Man guhkiem datne gaamsojde bæsseme, Piere?
Piere: Bielie tæjmoem, goh aahka jeahteme.
Sööfe: Kaanne aahka pråvhka stuerebh gaamsoeh darjodh enn goh mijjieh dorjeme...
Piere: Jïh kaanne aahka vaenebh saelhtiem aaj pråvhka.
Nejla: Ånnetji saelhties jïh ånnetji garres, men læjhkan njaelkie.
Sööfe: Gudtsien aelties beapmoej åvteste, Piere jïh Nejla. Manne barre viehkiehtamme.
Piere: Gussene, gussene. Jïh gæjhtoe viehkien åvteste, Sööfe.
2. Goltelh, lohkh jïh lïerh åvhtan
3. Lohkh
Diedtesth båalojde jïh lohkh
4. Goltelh, lohkh jïh lïerh åvhtan
5. Lohkh
Minngie-beapmoe
Nejla: Mijjieh tjoerebe minngie-beapmoem mujhtedh. Mijjen dan jïjnjh muerjieh.
Sööfe: Åå, dïhte gujht njaelkie sjædta! Guktie edtjebe muerjide öörnedh?
Nejla: Mijjieh gaajhkh pleentebe. Ibie jokngh pleenth, men laadtegh, sirrieh jïh tsïhtseht-muerjieh.
Piere: Jïh gïhpe jallh mielhkie.
Sööfe: Manne annje gallas gaskebiejjie-beapmoen mænngan, men vïenhtem sijjem minngie-beapmose åtnam.
Piere: Manne iktesth sijjem njaelkies minngie-beapmose åtnam. Hijven datne eadtjohke möörjedh, Nejla.
Nejla: Aeh, mov mïelen mietie muerjieh bööremes gosse jïjtje möörjeme, juktie dellie aelpies sjædta. Im daarpesjh muerjiej åvteste maeksedh. Im daarpesjh burhtji åvteste maeksedh gænnah, juktie manne mielhkie-burhtjh provhkem. Lissine maahtam dan jïjnjh dïjnegh utnedh maam sïjhtem. Im lyjhkh gosse fer sieties.
Sööfe: Daan giesien manne aaj dåeredem möörjedh, Nejla. Jïh edtjem aelkedh gåaroes mielhkie-burhtjh bïssedh. Hijven eatnamasse jïh hijven beetneh-bongkese.
6. Goltelh jïh lohkh
Edtjem beapmoeh jurjiehtidh
Tekstversjon
Maam edtjh datne darjodh, Sööfe?
Manne edtjem beapmoeh jurjiehtidh. Voestegh edtjem bearkoem bissedh, makarovnh voessjedh jïh kruanesaath tjoehpedh. Tjoerem ajve raajnes dïrregh jïh lihtieh nuhtjedh. Dellie edtjem bïenghkem sjeakodh jïh buertiem dealodh. Dan mænngan maahtam byöpmedidh. Gosse manne gallanamme dellie edtjem buertiem sjeakodh jïh lihtieh bïssedh. Tjoerem baahke tjaetsiem jïh tjoelem nuhtjedh guktie lihtieh raajnes sjidtieh. Minngemes edtjem lihtide tjaetsine skuvledh.
Maam edtjh datne darjodh, Sööfe?
Manne edtjem beapmoeh jurjiehtidh. Voestegh edtjem bearkoem bissedh, makarovnh voessjedh jïh kruanesaath tjoehpedh. Tjoerem ajve raajnes dïrregh jïh lihtieh nuhtjedh. Dellie edtjem bïenghkem sjeakodh jïh buertiem dealodh. Dan mænngan maahtam byöpmedidh. Gosse manne gallanamme dellie edtjem buertiem sjeakodh jïh lihtieh bïssedh. Tjoerem baahke tjaetsiem jïh tjoelem nuhtjedh guktie lihtieh raajnes sjidtieh. Minngemes edtjem lihtide tjaetsine skuvledh.