Berekraftig utvikling handlar om nokre av vår tids største utfordringar. Klimaendringar forandrar livsvilkåra på jorda. Ressursar blir forbrukte, og naturen blir øydelagd av mellom anna utbygging, miljøgifter, reiseliv og framande artar. Kan vi finne berekraftige løysingar?

Økologi handlar om korleis naturen er bygd opp, og om samspelet mellom organismar og miljøet dei lever i. For å ta vare på naturen og forvalte naturressursane på ein god måte må vi forstå korleis endringar i klima påverkar samspelet, og finne berekraftige løysingar.