Oppslagsverk og ordliste

Blodtypar og blodoverføring

Dei tre allela som fastset blodtypen, er A, B og 0 (null). Antigena på overflata til blodcellene er i små proteinstrukturar. Overføring av feil blodtype kan skape ein livstruande situasjon.

Skjematisk teikning av blodlegem og antistoff som har klumpa seg saman. Illustrasjon. — Raude blodlekamar av blodtype B og antistoff B agglutinerer. Bilete: Kristin Bøhle / CC BY-SA 4.0

Forklaring til tabellen

Skjemaet viser forenkla modellar av raude blodlekamar og antistoff i AB0-systemet. Dei tre allela som fastset blodtypen, er A, B og 0 (null). Antigena på overflata til blodcellene er i verkelegheita små proteinstrukturar, men vi har valt å teikne store antigen som A og B for å gjere forskjellen tydeleg.

Om ein pasient får overført ein blodtype som han har antistoff mot, vil blodet klumpe seg (agglutinere). Overføring av feil blodtype kan derfor skape ein livstruande situasjon.

Blodtypar og blodoverføring
Blodtype	Genotyp	Raude blodlekamar	Antistoff i serum	Kan få blod frå	Kan gi blod til
A	AA eller A0	Blodtype A. Bilete: Kristin Bøhle / CC BY-SA 4.0	Anti-B. Bilete: Kristin Bøhle / CC BY-SA 4.0	A og 0	A og AB
B	BB eller B0	Blodtype B. Bilete: Kristin Bøhle / CC BY-SA 4.0	Anti-A. Bilete: Kristin Bøhle / CC BY-SA 4.0	B og 0	B og AB
AB	AB	Blodtype AB. Bilete: Kristin Bøhle / CC BY-SA 4.0	ingen	Alle	AB
0	00	Blodtype 0. Bilete: Kristin Bøhle / CC BY-SA 4.0	Anti-A og Anti-B. Bilete: Kristin Bøhle / CC BY-SA 4.0	0	Alle