Ytringsfridom, sensur og grenser
I den tverrfaglege læringsstien "Ytringsfridom, sensur og grenser" skal du setje deg inn i kva som blir meint med ytringsfridom, og kva avgrensingar det er for ytringsfridommen. Eit sentralt spørsmål i læringsstien er kvar grensene for ytringsfridom går. Du skal også reflektere over og drøfte utfordringar med ytringsfridommen, og om sensur kan vere ei løysing.
Ein måte å tilnærme seg temaet på er å ta utgangspunkt i filmen Møt sensorene. Før du ser han, bør du ha sett deg inn i omgrepet ytringsfridom og jobba med avgrensingar og grenser for ytringsfridom. Gjennom arbeidet skal du diskutere og problematisere forhold rundt ytringsfridom.
Når du har fullført læringsstien, kan du fordjupe deg vidare i temaet i ulike fag og i tverrfaglege oppgåver. Desse oppgåvene kjem på slutten av læringsstien og heiter "Fordjup deg vidare".
Relevante fag: samfunnskunnskap, norsk, medie- og informasjonskunnskap 2, mediesamfunnet 2, historie, religion og etikk.
Prosjekt om ytringsfridom
Ein annan måte å jobbe med dette temaet på kan vere å gjere det som eit prosjekt over ein avgrensa tidsperiode. Ytringsfridom er eit viktig og sentralt tema som berører læreplanane i ulike fag. Temaet eignar seg derfor bra som utgangspunkt for eit tverrfagleg samarbeid, og det opnar for at elevane kan tilnærme seg temaet frå ulike vinklar, i ulike fag.
Ulike opplegg om ytringsfridom
I tillegg til desse arbeidsmåtane finst tre andre opplegg på NDLA som handlar om ulike sider ved temaet ytringsfridom:
Relevante fag: samfunnskunnskap, norsk, engelsk, mediesamfunnet 1, mediesamfunnet 2, politikk og menneskerettar, sosialkunnskap.
Ytringsfridom, karikaturar og demokrati
Relevante fag: samfunnskunnskap, norsk, mediesamfunnet 2, historie, religion og etikk.
Relevante fag: alle.