Ytringsfridom under press
I den tverrfaglege læringsstien "Ytringsfridom under press" skal du setje deg inn i kva som er meint med ytringsfridom og pressefridom. Viktige problemstillingar er korleis ytringsfridommen blir trua, og korleis arbeidsforholda til pressa og journalistar er utfordrande i fleire land.
Ein måte å tilnærme seg dette temaet på er å ta utgangspunkt i utdelinga av Nobels fredspris i 2021, der journalistane Dmitrij Muratov og Maria Ressa blei anerkjend for arbeidet sitt. Deretter skal du sjå nærare på kva som skjer i ulike land som skårar lågt på presse- og ytringsfridom. Gjennom arbeidet skal du diskutere ulike problemstillingar tilknytta ytringsfridom, og kvifor ytringsfridommen er under press i dag.
Når du har fullført læringsstien, kan du fordjupe deg meir i temaet innan ulike fag og i tverrfaglege oppgåver. Oppgåvene kjem på slutten av læringsstien og heiter "Fordjup deg vidare".
Relevante fag: samfunnskunnskap, norsk, engelsk, mediesamfunnet 1, mediesamfunnet 2, politikk og menneskerettigheter, sosialkunnskap.
Ein annan måte å jobbe med temaet på kan vere å gjennomføre eit prosjekt over ein avgrensa tidsperiode. Ytringsfridom er eit viktig og sentralt tema som er innlemma i læreplanane i ulike fag og eignar seg derfor bra som utgangspunkt for eit tverrfagleg samarbeid. Dette opnar for at elevane kan tilnærme seg temaet frå fleire vinklar i ulike fag.
Ulike opplegg om ytringsfridom
I tillegg til desse arbeidsmåtane finst tre andre opplegg på NDLA som handlar om ulike sider ved temaet ytringsfridom:
Ytringsfridom, sensur og grenser
Relevante fag: samfunnskunnskap, norsk, medie- og informasjonskunnskap 2, mediesamfunnet 2, historie, religion og etikk
Ytringsfridom, karikaturar og demokrati
Relevante fag: samfunnskunnskap, norsk, mediesamfunnet 2, historie, religion og etikk
Relevante fag: alle