Introducción: Un mundo de oportunidades

Hei, eg heiter Nils Haugstveit, eg er ambassadør i Spania.

Eg har tidlegare jobba i Latin-Amerika, vore ambassadør i Argentina og jobba ein god del i Mellom-Amerika. Og alltid i spansktalande land, så det har vore heilt avgjerande for meg at eg kan godt spansk for å kunne forstå samfunnet og for å kunne kommunisere på ein god måte med dei som eg møter, og som eg har kontakt med gjennom jobben.

Spansk er jo eit verdsspråk. Og då kan du ikkje forvente, sånn som vi kanskje gjer i Noreg, at i Noreg går det greitt å kommunisere på andre språk enn norsk, men i spansktalande land er ikkje det alltid så greitt. Ved å kunne språket kan du uttrykke deg klart og tydeleg, og du får jo også med deg mykje av det som skjer i samfunnet, ikkje sant? Det er veldig vanskeleg å forstå kulturen, i det heile det som skjer rundt deg, viss ikkje du har eit godt grep om spansk i spansktalande land.

No er jo, har eg skjønt, spansk det mest populære framandspråket i Noreg etter engelsk, og det er jo heilt fantastisk. Det er jo også ganske logisk på sett og vis då, i alle fall for meg fordi det er ein halv milliard menneske i verda som har spansk som morsmål. Og det opnar jo då bokstaveleg talt ei verd av moglegheiter. Tenk å kunne kommunisere effektivt med ein halv milliard menneske rundt omkring i verda. Det kan vere i jobbsamanheng, sånn som for min del. Men også når du vil vere turist, reise rundt, bli kjend med desse landa, så er det jo ei fantastisk moglegheit å kunne språket.

Eg synest òg, eg er ikkje noko språkmenneske i utgangspunktet, eg har ein annan utdanningsbakgrunn som statsvitar, men eg synest jo det har vore spennande å lære spansk då. Så til alle dykk som lurer på om de skal investere i å lære spansk, så vil eg absolutt tilrå det. Det kan vere de får god bruk for det i jobb, det opnar i alle fall moglegheiter for dykk. Og de vil heilt sikkert få bruk for det elles i livet også. Det å kunne spansk er verkeleg berikande.