Introducción: Buenas acciones

Jobb saman to og to. Bruk ei ordbok og slå opp orda actuar, acto og acción.

• Kva betyr actuar, acto og acción?

• Kva ordklasse høyrer kvart av orda til?

• Set om dei følgande setningane til spansk:

  • Vi må handle på ein ansvarleg måte.

  • Å resirkulere er ei viktig handling.

  • Av og til handlar eg utan å tenke.

  • Gode gjerningar kan forbetre verda.

Kva kan kvar og ein av oss gjere for å bidra til fellesskapen på ein positiv måte og skape eit vennlegare og meir inkluderande samfunn?

• Skriv ned så mange gode gjerningar du kjem på i løpet av eit minutt. Skriv på norsk.

• Les det du har skrive, høgt for ein medelev. Har de mykje likt?

• Samle forslag på tavla, og set dei om til spansk saman.

Fortel om noko du nyleg har gjort for å glede andre. Skriv tre eller fire setningar på spansk. Gå rundt i klassen og fortel om det de har skrive.

• ¿Qué hiciste? Kva gjorde du?

• ¿Cómo reaccionó/reaccionaron esa persona / esas personas? Korleis reagerte denne personen / desse personane?

• ¿Cómo te sentiste (después)? Korleis kjende du deg (etterpå)?

Ein del kjendisar engasjerer seg for ei god sak. Gå saman i grupper på fire til seks elevar, og fordel kjendisane nedanfor mellom dykk. Jobb individuelt i cirka to minutt. Finn informasjon på nettet, og svar på spørsmåla. Fortel kva de har funne ut om personane, til dei andre på gruppa.

• ¿De dónde es? Kvar er hen frå?

• ¿Por qué es conocido/a? Kva er hen kjend for?

• ¿Con qué está comprometido? Kva engasjerer hen seg for?

• ¿Pensáis que es un buen modelo a seguir? Synest de hen er ein god rollemodell?