Gjennom å utforske fargar, former og måtar å setje saman delar på kan du skape noko du neppe såg for deg i starten av eit kunstprosjekt. Nysgjerrigheita, erfaringane og kunnskapane dine er viktige for den skapande prosessen. Du påverkar sjølv kor god du blir til å få mykje ut av prosessarbeid.

Skal du lykkast med kunstoppgåver, må du bruke din eigen kreativitet. Det fine med kunstnariske prosessar er at du utviklar kreativiteten din samtidig som du skaper noko. Kreativitet er å ha det gøy og å eksperimentere seg fram til eit spennande resultat. Det er òg å våge å ta sjansar!