Reiseliv er ei av dei raskaste veksande næringane i verda, og etterspørselen etter naturbaserte opplevingar aukar. I dette emnet blir du kjent med ulike naturbaserte aktivitetar og lærer å utføre aktivitetar ute. Skal du tilby opplevingar for andre, må du gjennomføre aktivitetane på ein sikker måte.

Nyttevekstar er planter som kan brukast som mat eller råstoff. Tidlegare var sanking av bær, medisinplanter eller råstoff til reiskapar viktig. I dag er hausting av nyttevekstar ein fritidssyssel, og somme lagar også lokale produkt av nyttevekstane eller sel dei til restaurantar.