Lag ei oversikt over kva materiale du skal dokumentere. Bruk eit digitalt oppsett, til dømes ein tabell, der du planlegg å plassere både skriftleg tekst, bilete og materialprøver. Skriv namnet på materialet som overskrift i kvar rute.
Leit etter gode visualiseringar av materialet. Bruk tilgjengelege bilete henta frå nettet eller eigne foto. Plasser fotoet i ruta med overskrift. Teikn gjerne fiberen i tillegg til foto.
Skriv med eigne ord om eigenskapane til materialet og korleis dette har samanheng med bruksområdet. Kva blir materialet brukt til, og kvifor?
Kva uttrykk kan dette materialet ha? Vis gjerne med foto noko av tekstur og oppbygning materialet har i eit produkt, til dømes ein genser som er strikka. Her kan du bruke foto både av produktet og nærbilete av strukturen og maskene.
Lim inn ei fysisk materialprøve i same rute.
