Hopp til innhald
Arbeidsoppdrag

Keramikk i kulturen sine fotspor

I denne oppgåva skal du utforske handverksprodukt frå ulike kulturar. Deretter skal du lage eit produkt med pølseteknikk, der du hentar inspirasjon til designet frå eitt eller fleire kulturhandverk.
Video: Hilde Gullhaug Hennes, Åsne Raaen Solheim / CC BY-SA 4.0
Til læraren

Elevane bør introduserast for kulturuttrykk i tradisjonshandverk i forkant av oppgåva. Dersom det er mogleg, kan elevane besøkje ei relevant utstilling.

Det kan òg vere ein god idé å utforske korleis handverkarar og designarar kan bruke kulturhandverk innovativt i moderne design. Aktuelle ressursar frå NDLA:

Ei form blir bygt opp ved hjelp av pølseteknikk. Foto.
Bilete: Åsne Raaen Solheim, Inger Gilje Sporaland / CC BY-SA 4.0

Førebuing til oppgåva

Prøvar av hank og dekor i keramikk som ligg på eit bord. Foto.
Utprøving av hank og dekor i keramikk. Bilete: Amund Fossberg, Inger Gilje Sporaland / CC BY-NC 4.0

  • Øv deg i bruken av pølseteknikk (sjå video).

  • Eksperimenter med ulike keramiske dekorteknikkar.

Oppgåve

Del 1: Inspirasjon

Blå og kvit kinesisk vase med dragedekor. Foto.
«Dragevasen» blei laga under det berømte Ming-dynastiet, truleg mellom 1403–1424. Bilete: Ukjent, Frode Larsen / CC BY 4.0

  1. Hent inspirasjon frå handverksprodukt frå ulike kulturar. Dette kan du finne i omgivnadene dine, utstillingar, bøker og internett.

  2. Studer og utforsk inspirasjonskjeldene dine gjennom skisser. Legg vekt på det du liker i kulturhandverket.

Del 2: Idéutvikling og planlegging

Kvit vase med blå blekksprutar i plastelina. Foto.
Utprøving av form og dekor i plastelina. Bilete: Amund Fossberg / CC BY-NC 4.0

  1. Utforsk designidéar gjennom skisser, og eksperimenter med ulike løysingar i leire.

  2. Vel ein av designidéane og jobb med å vidareutvikle denne. Utforsk:

  • teknikkar

  • former

  • funksjon

  • fargar

  • dekor

  • komposisjon

Tenk gjennom korleis du kan skape eit godt samspel mellom inspirasjonsmaterialet og dine eigne idéar.

Del 3: Rettlei kvarandre

Hovud rundt ei lyspære. Illustrasjon.
Hjelp kvarandre til å sjå nye moglegheiter og til å forbetre produktet. Bilete: Ilana Kohn / CC BY-NC 4.0

Del idéar og hjelp kvarandre med å utvikle produktet. Diskuter òg korleis inspirasjonskjeldene blir nytta i designet.

Del 4: Gjennomføring

  1. Basert på det endelege designet ditt lagar du produktet med pølseteknikk.

  2. Dekorer produktet.

Del 5: Vurdering

Vurder arbeidsprosessen og produktet ditt:

  • Korleis kan vi sjå inspirasjonen frå eit kulturhandverk i produktet ditt?

  • Korleis har du utforma produktet med tanke på den funksjonen det skal ha?

  • Forklar korleis du har jobba med komposisjon, og korleis du har brukt former, fargar og visuelle uttrykk.

  • Korleis er kvaliteten på handverket ditt?

Relatert innhald

Fagstoff
Pølseteknikk

Pølseteknikk er ein teknikk der du rullar pølser av leire som du legg og festar oppå kvarandre for å lage ei ståande form, ofte ein vase.