Husdyra våre er ein del av gardsdrifta, og vi er avhengige av dei for å produsere mat. Derfor bruker vi samlenemninga produksjonsdyr om storfe, småfe, gris og fjørfe. Her finn du lærestoff som er felles for dei vanlegaste produksjonsdyra i Noreg.

Når du eig eller jobbar med dyr, har du ansvar for at dyra har det bra. Det er viktig for dyrevelferda at dyra får utøve den normale åtferda si, får det fôret dei treng, og nok vatn av god kvalitet. Du må òg sørge for god nok hygiene i arbeidet, sånn at dyra ikkje blir sjuke av miljøet dei lever i.