Test av styrken på prøvestavar

1. Teikn éin eller fleire delar med nøkkelvidde som passar til ein fastnøkkel eller ein momentnøkkel.

2. 3D-skriv delen med ulike innstillingar, t.d. ulik laghøgde og/eller ulik fyllingsgrad.

3. Test styrken på delane systematisk og dokumenter resultata. Du kan til dømes bruke ein momentnøkkel: Still inn momentnøkkelen på eit lågt moment og test delane. Auk momentet gradvis til stavane knekk eller vrir seg.

4. Teikn og 3D-skriv nye delar i andre storleikar og/eller med andre former, og sjå kor sterke stavar du kan lage.

Tips til vidare utprøving

• Lag ulike tverrsnitt og former på delane.

• Bruk ulike lengder på delar med elles like innstillingar for
  3-D-skriving.

• Lag opningar i delane for å sette inn forsterkningar av metall, og sjå korleis dette påverkar styrken. Du kan til dømes sette inn sveisetrådar frå TIG eller MIG/MAG.

Refleksjon

• Ser du nokre mønster i korleis styrken endrar seg? Er til dømes lengda på stavane viktigare enn breidda?

• Er det stor styrkeforskjell om delane har 100 % fyllingsgrad eller berre 50 %?

• Betyr det noko om holet er aksielt eller radielt?

• Har det noko å seie for resultatet om delen er laga for å passe direkte på ein momentnøkkel, eller for å passe til ei pipe på momentnøkkelen?

Lykke til!