Sikkerheitsdatablad

Datablada skal vere skrivne på norsk, kortfatta og lett forståelege. Det skal stå klart opplyst når databladet er utarbeidd.

Det er viktig at sikkerheitsdatablada blir nytta aktivt i verksemda i arbeidet med å

Den som framstiller, importerer eller leverer kjemikaliar, har plikt til å leggje ved sikkerheitsdatablad ved første gongs levering og ved seinare endringar av databladet. Sikkerheitsdatabladet kan sendast elektronisk. Verksemder som kjøper kjemikaliar i butikk/detaljhandel, skal få sikkerheitsdatabladet der dei kjøper kjemikaliane, når dei ber om det.

Arbeidsgivaren skal ha sikkerheitsdatablad for farlege kjemikaliar som blir nytta i verksemda. Det skal vere papirkopiar tilgjengelege for arbeidstakarane og verneombod sjølv om stoffkartoteket finst i elektronisk form. Arbeidsgivaren skal utarbeide informasjonsblad for helsefarlege kjemikaliar som det ikkje krevst sikkerheitsdatablad for.

Sikkerheitsdatablada skal setje dei som jobbar med eller i nærleiken av farlege kjemikaliar, i stand til å sikre seg slik at ingen blir sjuke eller skadde.

Informasjonen gjer det mogleg å

• setje i verk nødvendige tiltak for å vareta helsa og sikkerheita på arbeidsplassen og for det ytre miljøet
• sikre riktig avfallsbehandling og å oppfordre brukaren til å finne mindre skadelege kjemikaliar
• sikre trygg handtering, lagring og avhending av kjemikaliane og å gi informasjon om tiltak ved utilsikta utslepp

Det er viktig å etablere rutinar som sikrar at datablada har tilfredsstillande kvalitet, og at dei oppfyller dei krava til innhald og kvalitet som regelverket stiller.

• har ansvaret for å kontrollere sikkerheitsdatablad for nye kjemikaliar når desse blir tekne i bruk
• sikrar at sikkerheitsdatablada er ajourførte
• innhentar manglande opplysningar frå produsent/importør/leverandør dersom sikkerheitsdatablada er mangelfulle

Dersom du finn eit sikkerheitsdatablad på arbeidsplassen som du trur inneheld feil, bør du først spørje arbeidsgivaren om verksemda har fått eit nyare datablad. Dersom de ikkje har det, bør arbeidsgivaren kontakte den som har levert kjemikalien, og spørje om dei har nyare utgåver av sikkerheitsdatabladet.

Ofte kan det vere vanskeleg å vurdere om eit sikkerheitsdatablad er godt nok. Då kan bedriftshelsetenesta vere til hjelp, både i sjølve vurderinga og i kontakten med den som har levert sikkerheitsdatabladet. Ta kontakt med Arbeidstilsynet dersom de ikkje når fram overfor produsenten/importøren/leverandøren.