Fagartikkel
Guktie dogkoe gaavnem?
Datne lïerh gihtjedh jïh vaestiedidh gubpene leah, gåabph edtjh jïh gubpede båatah otnjegi mietie. Datne aaj lïerh buerkiestidh jïh guarkedh gogkoe vaedtsedh.
Gåabph? Gogkoe? Bilete: Kristin Bøhle / CC BY-NC-SA 4.0
Daelie lïerh
- Gihtjedh jïh vaestiedidh
- gåabph, gubpene, gubpede otnjegi mietie
- Buerkiestidh jïh guarkedh
- gogkoe vaedtsedh
- Stilledh
- imperatijvem nuhtjedh
– Man gåhkese Stoerre-jaavran?
– Vïenhtem medtie bielie mïjle daebpede.
– Guktie dogkoe vaadtsam?
– Vaedtsieh voestegh noerhtese baalkan mietie Stoerre-tjahken vööste. Gosse boelte-raadtan båatah desnie stoerre pluevie. Sveehkesth dellie baalkeste.
– Gosse dogkoe båateme gogkoe dellie?
– Vaedtsieh dom pluevie-raedtiem jallese jïh dellie johke-bealam bæjjese. Gosse boelte-raedtien bijjelen båatah dellie johken rastah jïh vihth noerhtese.
– Gogkoe dellie jis?
– Dellie naa ohtje tjonnese båatah. Vaedtsieh tjonnen luvlie-bieliem. Gosse dle ånnetji bijjiebasse båatah don vaartose dellie Stoerre-jaevriem vuajnah.
– Gusnie låavth-gåetiem dle tseegkeme?
– Mov låavth-gåetie jaevrien åarjel-gaedtesne.
– Jaa nov sån, dellie gaavnem mån.