Beetneh-soejkesjem darjodh
Daelie lïerh
beetneh-soejkesjem darjodh
man jïjnjh beetnegh dosse daase daarpesjh
ussjedidh maam darjodh jis ij leah nuekies beetnegh
Juktie daejredh man jïjnjh beetnegh aajmone fïerhten asken, dellie hijven beetneh-soejkesjem darjodh. Hijven daejredh man jïjnjem dosse daase daarpesjh jïh man jïjnjh beetnegh dov.
Vuartesjh beetneh-soejkesjem!
Fïerhten asken | Dïenesjimmieh | Maaksoeh |
|---|---|---|
Laajkoe jïh stipende Staaten laajkoe-kaasseste | 12 000 kr | |
Giesiebarkoe-baalhka | 1 000 kr | |
Gåetie-luhpie | – 6 400 kr | |
Straejmie jïh gaske-viermie | – 600 kr | |
Mobijletelefovne-åtnoe | – 500 kr | |
Beapmoeh jïh jovkemes | – 3 500 kr | |
Vaarjoeh jïh gaamegh | – 800 kr | |
Busse-/tååge-leahpah | – 600 kr | |
Gærjah jïh pc:e | – 1 000 kr | |
Jeatjah deerpegh | – 1 000 kr | |
TJÅANGHKAN | 13 000 kr | – 14 400 kr |
1. Man jïjnjh beetnegh Aanta fïerhten asken åådtje?
2. Man jïjnjem Aanta tjuara fïerhten asken maeksedh?
3. Man jïjnjem Aanta tjuara fïerhten asken tjåanghkan maeksedh?
4. Vaestedh!
Man jïjnjh beetnegh Aantan aajmone fïerhten asken mænngan?
5. Ussjedh jïh soptsesth!
Aantan ij leah nuekies beetnegh asken mænngan. Maam dellie maahta darjodh?
vielie barkedh
aelpebe åestedh
spååreme-beetnegh nuhtjedh
eejhtegidie gihtjedh beetnegi mietie
jeatjah
6. Tjaelieh!
Maam Aanta maahta darjodh juktie nuekies beetnegh edtja sjïdtedh?