Utstillingsvindauge

Opne bilete i eit nytt vindauge

CC BY-NC

Bilete: Birna Rørslett

Som utstillingsdesignar har du fått eit oppdrag frå ein butikk som forhandlar kjøkenutstyr. Dei vil vise det nyaste frå norsk design. Du kan velje mellom å stille ut servise frå Ment, Figgjo eller eit anna norskprodusert servise. Du står fritt til å kombinere servise med anna kjøkenutstyr i utstillinga. Målgruppa er unge trendy menneske som er opptekne av design.

Butikken ligg i ei handlegate, ikkje på eit senter.
Mål på vindauget er 3000 x 2500 x 1000 mm.

Sjå på servise frå Ment (ment.no)
Sjå på servise frå Figgjo (figgjofabrikkutsalg.no)

Idéutvikling

1. Du må finne eit tema for oppdraget. Stikkord kan til dømes vere: årstida, livsstil og ungdomskultur, fargar, trendar, typografi og så vidare.
2. Oppdragsgivar ønskjer at du skal bruke dei nyaste trendfargane. Undersøk kva som er trendfargane denne sesongen hos ein eller fleire fargeforhandlarar. Finn fargar som passar til temaet du har valt.
3. Lag eit Moodboard som start på idéprosessen.

Bruk NCS i fargesettinga

Butikken har eigne montrar i forskjellige storleikar og høgder som dei ønskjer at du bruker, og fargeset sjølv.

Begrensa bruk

Bilete: Norwegian Colour Senter. Ncscolour.no

• Bakveggen skal vere i ein av trendfargane.

• Bruk NCS når du skal fargesetje montrane. Vel til dømes:

  • ton i ton
  • likskap i kulørtone
  • saman med kontrastfarge
  • slektskap i kulørtone
  • nyanselike fargar

  • lik mengd svart eller kvit, eller like i kulør

    
    

Arbeidsteikning og modell

1. Teikn vindauget i plan i 1:20 (teknisk teikning).

   
   

   Teikn vindauget i oppriss i fargar, mål: 1:20 (teknisk teikning).

2. Bygg ein detaljert modell av vindauget ditt i målestokk 1:10.
3. Presenter arbeidet ditt for kunden.

Bruk alt du kan om komposisjon, fargelære, materialar, teknisk teikning, plan, oppriss og modellbygging i dette oppdraget.


Lykke til!