Førebuingar
Del dykk inn i basisgrupper på seks elevar. Dersom det ikkje går opp, kan de ha sju elevar på nokon av gruppene. Då må to elevar på desse gruppene jobbe med det same temaet.
Fordel temaa under på medlemmene i gruppa.
Gruppemedlemmene skal no bli ekspertar på kvart sitt tema.
Ekspert 1: politiske forhold
Kven har makt til å vedta lover og reglar og til å fordele gode, plikter og rettar?
Korleis blir samfunnet styrt?
Kor mykje fridom har ulike samfunnsgrupper?
Kor mykje politisk innverknad har ulike samfunnsgrupper?
Er det konfliktar internt eller med andre samfunn?
Kjelder
Ekspert 2: økonomiske forhold
Korleis skaffar ein seg mat?
Korleis utnyttar ein naturressursane?
Korleis er ressursane fordelte?
Kva næringsvegar er viktige?
Korleis blir handel driven?
Kjelder
Ekspert 3: naturlege forhold
Kva naturressursar finst?
Korleis påverkar landskapet samfunnet?
Kva betydning har klimaet og vêret?
Kva betydning har naturkatastrofar?
Kjelder
Ekspert 4: sosiale forhold
Korleis lever menneske saman i samfunnet?
Er samfunnet delt i ulike grupper?
Har gruppene ulike rettar og pliktar?
Korleis er levekåra for dei ulike gruppene?
Kva kjønnsroller finst?
Korleis er befolkningsutviklinga?
Kjelder
Norgeshistorie.no: Den vennlige vikingen
Ekspert 5: kulturelle forhold
Kva religionar, livssyn og skikkar dominerer samfunnet?
Kva verdiar og ideal er viktige?
Korleis er synet på kva som er rett og gale?
Kva slags kunst og andre kulturuttrykk er viktige?
Kjelder
Ekspert 6: teknologiske forhold
Kva reiskapar og metodar blir tekne i bruk i produksjonen av energi, mat og andre varer?
Kva slags våpenteknologi finst?
Kva slags teknologi blir brukt til transport og kommunikasjon?
Kjelder
Norgeshistorie.no: Fangst, jern og serieproduksjon
Individuelt arbeid
Jobb individuelt i tjue minutt. Fordjup deg i kjeldene som er gitt over, og svar på spørsmåla under temaet ditt. Bruk gjerne andre ressursar òg.
Ekspertgrupper
Sett dykk saman i ekspertgrupper, og jobb saman i ti minutt. Dei som har fordjupa seg i det same temaet, skal no sitje saman. Del det de har funne ut. Hjelp kvarandre til å forstå, og bli einige om kva som er viktigast.
Deling og diskusjon
Sett dykk tilbake i basisgruppene. Diskuter spørsmåla i boksen under i gruppa. Sørg for at alle får bidrege med perspektivet sitt der det er relevant. Bruk tre–fire minutt per spørsmål. Samanfatt gjerne i plenum, dersom det blir tid.
Spørsmål til diskusjon
Kva var årsakene til at vikingane kunne og ville dra ut for å plyndre, drive handel og busetje seg i andre land?
Var vikingsamfunnet eit fritt samfunn?
Var vikingsamfunnet eit primitivt og barbarisk samfunn?
Er det noko i norsk kultur i dag (til dømes verdiar, mentalitet, tradisjonar eller symbol) som er ein arv frå vikingtida?
Er det nokon grunn til å vere stolte av denne delen av norsk historie?
Korleis ville de klart dykk dersom de reiste med ei tidsmaskin tilbake til vikingtida?
Denne oppgåva er basert på puslespelmetoden, eller jigsaw-metoden, som vart utvikla av Eliot Aronson i 1971. Du kan lese meir om jigsaw-metoden på The Jigsaw Classroom (jigsaw.org).