Kva pris skal Kontorvikar AS ta på tenestene sine?
CC BY-SA 4.0Første utfordring for Janne og Stine og deira nye AS er korleis dei skal prise tenestene sine.
Skrive av Cecilie Lund.
Sist oppdatert 12.09.2022
Oppgåve
Berekne timepris for Kontorvikar AS sine tenester
Janne og Stine har nettopp tatt fagbrev i service- og administrasjonsfaget. Dei veit at lokale bedrifter treng ekstra tilsette i travle periodar. Derfor har dei oppretta sitt eige AS som skal selje administrasjon- og rekneskapstenester. Utfordringa no er korleis dei skal prise tenestene sine.
Janne og Stine har fått god arbeidserfaring og oppdatert kunnskap om ulike programvarer gjennom tida i lærebedriftene sine. Bilete: Tom Knudsen / CC BY-SA 4.0
Verken Janne eller Stine har godkjend rekneskapsutdanning endå. For å få det må dei ta bachelorutdanning i administrasjon og økonomi med fokus på rekneskap. Dei kan likevel bli leigde inn til bedrifter for å gjere enkle oppgåver, så lenge arbeidet blir kontrollert av ein rekneskapsførar. Bedrifta til Janne og Stine skal heite Kontorvikar AS, og forretningsidéen deira er følgjande:
"Kontorvikar AS tilbyr vikartenester innanfor administrasjon, rekneskap og kontor. Vi er prisgunstige og hjelper bedrifter i byen vår som treng profesjonell kontorhjelp i korte eller lange periodar."
Ei bedrift som sel tenester, rekna seg gjerne fram til ein timespris. I timeprisen må alle kostnader pluss forteneste vere med. Staten skal òg ha 25 prosent i meirverdiavgift på desse produkta.
Når vi reknar pris på denne måten, bruker vi sjølvkostmetoden.
Bruk opplysningane nedanfor til å berekne timeprisen bedrifta må ta for Janne sine tenester.
Årsløna er kr 500 000.
Ho fakturerar 1300 timar i året.
Janne sin del av dei indirekte kostnadene er kr 6000 i månaden.
Bedrifta legg på 15 prosent i forteneste og 25 prosent i meirverdiavgift.
Janne skal jobbe som vikar i to veker for eit lokalt snikkarfirma. Til dette oppdraget må ho berekne eit tillegg for transport.
Ho skal jobbe 37,5 timar i veka.
Ho skal køyre sin eigen bil 25 kilometer kvar veg til jobben, og bruker satsane til staten for kilometergodtgjersle, som er på kr 4,03 per kilometer.
Kva kjem rekninga på?