Naturfag er eit praktisk og utforskande fag. Gjennom opplevingar, undring og utforsking kan du forstå verda omkring deg i eit naturvitskapeleg perspektiv. Målet er at du skal oppleve skaparglede og utvikle evna til nytenking mens du får erfaring og innsikt i naturfagleg teori.

Big bang-teorien er den mest aksepterte forklaringa på korleis universet blei skapt for nesten 14 milliardar år sidan. Han forklarer oss korleis universet har utvikla seg frå dei første brøkdelane av eit sekund til der vi er i dag. Men kvifor det skjedde, og kva som fanst før, er framleis ei gåte.