Fagressursane i naturfag frå NDLA dekkjer heile læreplanen (LK20). Dette inkluderer dei grunnleggjande evnene, kjerneelementa, dei tverrfaglege temaa og kompetansemåla. Med nytt og spennande fagstoff håpar vi å kunne bidra til skaparglede, engasjement, utforskartrong, nysgjerrig haldning og kritisk tenking både i og utanfor klasserommet.
Årsplan for naturfag på YF - bygg- og anleggsteknikk
Vi har laga eit forslag til årsplan med hovudemne, fokusområde, læreplantilknyting og lenkjer til eit utval fagressursar for kvart emne.
Planen er rettleiande og kan lastast ned slik at han enkelt kan tilpassast ulike elevgrupper og årsplanen til skulen.
Læreplantilknytinga er lagd inn periodevis for dei ulike emna og er referert til ved starten av eit nytt emne.
- I planen er det lagt til rette for å jobbe med dei tverrfaglege temaa i tilknyting til fleire av naturfagemna. Dette er spreidd utover heile skuleåret og utgjer totalt 5 veker. NDLA tilbyr mange måtar å jobbe med dei tre tverrfaglege temaa på. Enkeltlærarar kan bruke ressursane i faget sitt eller samarbeide på tvers av ulike fag.
Kompetansemålet «utforske ei sjølvvald naturfagleg problemstilling, presentere funn og argumentere for val av metodar» er godt eigna innanfor alle emna i naturfaget. I årsplanen er det plassert i vekene 18–20 under emnet stoff og materiale, men dette kan enkelt justerast og tilpassast til andre emne.
Årsplanen som redigerbar tekstfil og PDF.
Filer
Årsplan naturfag Vg1 BA
Relatert innhald
Nettside hos udir.no