Bruk femtrinnsmodellen for å beskrive korleis dei to situasjonane nedanfor kan handterast.
Gå gjerne saman i par, og lag eit rollespel. Vis gjerne fram rollespelet i klassa.
Beskriving av to situasjonar med konfliktrisiko:
- I samband med smitteverntiltak under koronapandemien ber ein servicemedarbeidar ein nærgåande person som ikkje har på munnbind, om å ta eit steg tilbake. Vedkomande gir tydeleg uttrykk for å vere ueinig i koronatiltaka, hissar seg veldig opp og kallar servicemedarbeidaren maktsjuk.
- Ein vektar finn ein ruspåverka person sovande utanfor inngangen til ein butikk i ei gågate. Personen har rota veldig rundt seg. Når vektaren vekkjer vedkomande, blir han frykteleg tverr og verkar truande.