Fagartikkel
Kvifor trene rørsleevne?
Når du held kroppen mjuk og rørleg, vil teknikken i idrett generelt bli betre, og prestasjonane aukar.
I klatrenettet får du bruk for gode leddutslag. Bilete: Corbis, NTB / CC BY-NC 4.0
Spydkast krev god rørsleevne i skulderleddet. Bilete: PantherMedia, NTB scanpix / CC BY-NC-SA 4.0Eit tilfredsstillande leddutslag blir rekna som ein føresetnad for innlæring av formålstenleg teknikk.
- Ein del idrettar og aktivitetar krev store leddutslag. Spydkast er eit eksempel – her trengst det stort leddutslag i skuldra.
- Andre idrettar som krev ekstra god rørsleevne, er for eksempel turn, dans og kampsport.
- Når du held kroppen mjuk og rørleg, vil teknikken i idrett generelt bli betre, og prestasjonane aukar.
- Betre teknikk i yrkeslivet: På same måte som i idrett vil det i arbeidet ditt også vere mange situasjonar der teknikken er sentral for kor godt du gjennomfører arbeidet.
Ver medviten om korleis du sit, står og går, tøy på muskulatur som er for kort, og ta vare på kroppshaldninga di. Bilete: Corbis, NTB scanpix / CC BY-NC-SA 4.0Stramme sener og bindevev kan gi dårleg kroppshaldning. Det vil då vere viktig å trene rørsle for optimal kroppshaldning:
- Trening av rørsleevne er viktig ved opptrening etter ein skade.
- Sener og leddband blir meir elastiske og bindevevet blir sterkare med trening av rørsleevne, og det vil etter kvart tole lengre og hardare tøyingar.
- Mykje sitjing kan gi stramme musklar, kroppshaldninga forskyver seg og blir ei belastning for ryggen. Trening generelt er i slike tilfelle viktig, men tøying på baksida av låret vil vere særleg gunstig for kroppshaldninga.
Å tøye ut kan vere godt, men det hjelper ikkje mot ømme og støle musklar. Bilete: Håkon Mosvold Larsen / CC BY-NC-SA 4.0Mange trur at tøying og trening av rørsleevne kan førebyggje at ein blir støl og får såre musklar. Men vi veit temmeleg sikkert at slik er det ikkje.
- Hjelper det å tøye?
- Det vi oppfattar som at vi er støle, er eigentleg smerter frå sener og ledd. Vanlegvis kjenner du ikkje at du er støl før dagen etter du har belasta den spesielle muskelgruppa. Det er faktisk verst to dagar etter.
- Under hard trening vil det oppstå små skadar i muskelen, og det er derfor musklane kjennest ømme. Det er ikkje anbefalt å drive trening av rørsleevne etter anstrengande aktivitetar – da kan ein «skade» muskelen ytterlegare. Ein lett joggetur eller ein roleg aktivitet har derimot positiv effekt på støle musklar.
