Fagartikkel
Subjektijve guvvie
Subjektijve guvvie akte viehkie-vierhtie guvvie-raajrojne. Dellie guvviedæjja nuepiem åtna mijjem baajedh heannadimmiem dååjredh tjelmiejgujmie akten almetjijstie.
Bilete: Høgskolen i Bergen / CC BY-NC-SA 4.0
Aktene guvvie-raajrosne dle åajvahkommes heannadimmiem ålkoelistie åehpiedahta. Daejnie mïelebe lohkije almetjidie dåerede åenehks jallh guhkies maajeste. Men guvviedæjja aaj nuepiem åtna mijjem baajedh heannadimmiem dååjredh tjelmiejgujmie akten dejstie almetjijstie. Mijjieh daam viehkie-vierhtiem gåhtjobe subjektijve guvvie.
Guvvieh mah raajrosne mijjieh vuesiehtimmiem gaavnebe guktie subjektijve guvvie åtnasåvva. Voestes jïh gåalmadinie guvvesne ålmam ålkoelistie vuejnebe, mearan mubpene guvvesne sïejpem vuejnebe naemhtie guktie ålma mij dan uvte tjåådtje, jïjtje dam dååjroe.
Saemien | Daaroen |
|---|---|
subjektijve guvvie | subjektivt bilde |