Hopp til innhald
Fagartikkel

Mah ektie-bïejeme teeksth gååvnesieh?

Aktene ektie-bïejeme teekstesne ij leah ajve dïhte mij tjaalasåvva baakoejgujmie jïh bokstaavigujmie. Ektie-bïejeme teekstesne dovne teeksth, guvvieh jïh/ jallh tjoejh mah aktese bïejeme.
Guvvie-raajroe göökte guvviejgujmie. Voestes guvvesne: Jåvle-aajja skovterisnie vuejieminie jïh göökte kaarrh baalte tjåadtjoeminie. Dellie akte dejstie gihtjie: Jåvla-aajja skovterisnie? Mubpene gussvesne: göökte kaarrh tjåadtjoeminie, dïhte mubpie vaestede: Jåvle-aajjan ealoe fer stoerre sjïdti juktie dah satnem trompestin leekedidh. Guvvie.
Bilete: Ronardo / CC BY-NC-SA 4.0

Ektie-bïejeme teeksth

Ektie-bïejeme teeksth leah vuesiehtimmien gaavhtan:

  • fotografije
  • guvvie
  • laavlome
  • joejke/vuelie
  • musihke
  • soptsestimmie
  • kråahpe-gïele
  • reportasje
  • reklaame
  • filme
  • draama
  • guvvie-raajroe

Aktene ektie-bïejeme teekstesne jienebh joekehts soptsestimmie-vuekieh. Musihke-video vuesiehtimmien gaavhtan dovne musihkem, baakoeh, guvvieh jïh daanhtsoem utnieh. Doh ovmessie soptsestimmie-vuekieh aktem elliesvoetem sjugniedieh.

Man åvteste teeksth ektie-bïejeme?

Akte vihkeles fåantoe man åvteste mijjieh ektie-bïejeme teeksth darjobe, lea doh ovmessie soptsestimmie-vuekieh ovmessie funksjovnh utnieh. Akte fotografije maahta vuesiehtimmien gaavhtan vuesiehtidh guktie akte almetje vååjnoe, mearan baakoeh maehtieh soptsestidh almetjen nommem, man båeries lea jïh man åvteste guvvie destie.

Appelle åajjan jïh vaajmose

Ovmessie soptsestimmie-vuekieh sinsitniem ållesth darjoeh. Gosse jienebh soptsestimmie-vuekieh ektiedibie, maehtebe teeksth sjugniedidh mah doh ovmessie vuekieh bööremeslaakan nuhtieh. Fotografijh jïh musihke daamtaj åtnasuvvieh juktie mijjen domtesh baajnehtidh, mearan tjaeleme-gïele maaje jeatjah funksjovnh åtna guvviejgujmie jïh tjoejine ektine.

Göökte juelkieh mah seangkose lïnghkine dabrahtalleme. Teekste aaj guvvesne. gusnie tjaaleme: tjöödtjesh irhkemem SMS-bienesinie. Rihpesth tellefovnem jïh seedth: Amesty nummerasse 1960. Guvvie.
Bilete: Amnesty International Norge / Avgrensa bruksrett

Daate guvvie domtesidie tjarke baajnehte. Jïjnjh almetjh dealasieh gosse dagkerh guvvieh vuejnieh. Dïhte tjaaleldh teekste edtja mijjem viehkiehtidh domtesidie dahkose jeatjahtehtedh. Baakoeh bievnieh maam mijjieh maehtebe darjodh jis sïjhtebe almetjh viehkiehtidh mah njåvtasuvvieh.

Relatert innhald