Måleuret kan ha same målenøyaktigheit som mikrometeret. Det blir blant anna brukt til utmåling av lagerklaringar, måling av kast i lager og akslingar og innstilling av innsprøytingstidspunkt på dieselrotorpumper osv.
Det finst både mekaniske og digitale måleur. Dette mekaniske måleuret har ei målenøyaktigheit på 1/1000 mm = 0,001 mm.
Praktisk bruk av måleuret
- Handter måleuret forsiktig, då det er ømtolig for slag, støv og hakk.
- Eit måleur skal oppbevarast sikkert, gjerne i eigen koffert.
- Kontroller og kalibrer måleuret (sjekk og justering) jamleg. Dette følgjer visse årlege intervall.
- Pass på at måleuret er godt festa, og at det står på ein trygg plassering.
CC BY-SASkrive av Industriskolen.
Sist fagleg oppdatert 06.09.2018