Power the grid
Om Power the grid
I dette spelet styrer du straumnettet til ein liten by. Du må til kvar tid sørge for at alle får nok straum ved å følge med på forbruk og produksjon. Etter kvart som byen veks, må du bygge ut energiforsyninga og prøve å gjere ho så fornybar som mogleg.
Gjennom dette spelet kan du lære om
kva faktorar som påverkar energiproduksjonen
samanhengen mellom forbruk og produksjon av energi
Slik speler du Power the grid
Spel Power the grid
Du kan spele spelet i nettlesaren eller laste det ned på maskinen din.
Ordliste
Engelsk | Norsk |
---|---|
grid | straumnett |
consumption | forbruk |
power plant | energiverk |
generator | generator |
operational cost | driftskostnad |
Etter at de har spelt
Kva skjer med straumforbruket i løpet av dagen i dette spelet? Foreslå forklaringar på det de observerer.
Lag ei oversikt over ulike energikjelder i spelet, og list opp fordelar og ulemper.
Stikkord: vekselstraumteknologi, likestraumsteknologi, energilagring og verknadsgrad, driftskostnader, investeringskostnader, fleksibilitet, berekraftKorleis er straumnettet i Noreg bygd opp? Kva delar består eit straumnett av?
Samanlikn straumnettet i Noreg med straumnettet i spelet. Kva likskapar og forskjellar finn du?
Diskuter ulike strategiar i dette spelet.
Diskuter korleis spelet kan bli meir realistisk. Lag ei skildring til spelutviklaren med forslag til korleis dette kan byggast inn i spelet.
Delar av det norske straumnettet er kopla til straumnettet i Storbritannia og EU. Kva fordelar og ulemper har dette for
forbrukarar i Noreg?
norsk industri?
overgangen til fornybar energi i Europa?
Relatert innhald
Nettside hos credc.mste.illinois.edu