I arbeid med barn og unge er kommunikasjon viktig. Vi skal kommunisere med respekt og vise anerkjenning for alle vi møter, både barn og vaksne. Gjennom kommunikasjon skal vi skape gode relasjonar slik at alle opplever tryggleik og tillit i møte med oss.

Når vi bruker anerkjennande kommunikasjon, viser vi at vi forstår og aksepterer opplevingane og kjenslene til andre menneske. Det gjer vi gjennom aktiv lytting og forståing, aksept og respekt, toleranse og stadfesting, innleving og openheit. Anerkjenning bidreg til å styrke sjølvkjensla.