Oppgåve
Hald ein tale!
Skriv og framfør ein enkel tale om ein person du set høgt, og set opp vurderingskriterium for ein god tale.
Å skrive tale treng ikkje vere nokon einsam jobb! Høyr på kvarandre sine idear og utkast, og hjelp kvarandre! Bilete: Paul Sigve Amundsen / CC BY-NC-SA 4.0
Skriv manus til ein hyllesttale etter grunnoppskrifta. Vel eitt av desse emna:
- ein person, eit kjæledyr eller ein ting som betyr mykje for deg
- eit bursdagsbarn i klassen
- ein bok- eller filmkarakter som du har sansen for
Manuset ditt skal vere på mellom 350 og 500 ord.
Kva for krav bør vi stille til tale og framføring? Lag eit forslag til vurderingskriterium. Jobb gjerne i grupper! Tenk på
- kva oppgåveteksten krev
- kva som gir talaren truverd (etos)
- korleis talen bør vere bygd opp og kva han bør innehalde (logos)
- kva talaren bør gjere for å gripe publikum (patos)
Skriv ned to-tre konkrete krav per kulepunkt over som de ser på som viktige. Bli så einige i klassen om kva for seks til ti kriterium som er viktigast. Prøv å formulere dei kort og konkret.
Framfør talen din for klassen. Tillate hjelpemiddel er ein liten hugselapp på opptil 50 ord.