Forsøk: Vi måler varmegjennomgang i glas

Føremålet med forsøket er at du skal få betre forståinga av at materiale i ulik grad leier varme, og at glas er ein ganske god varmeleiar.

1. Fyll vasken med kaldt vatn frå springen, slik at isoporbegeret og drikkeglaset kan stå med vatn nesten til topps.

2. Fyll isoporbegeret og drikkeglaset breiddfullt med varmt vatn. Set termometer oppi begera og mål temperaturane.

3. Set isoporbegeret og drikkeglaset oppi vasken og la dei stå der i fem minutt. Røyr forsiktig med termometeret.

4. Mål temperaturen kvart minutt. Noter verdiane i tabellen nedanfor.

No skal vi rekne ut kor mykje energi som er forsvunnen. Rekn at du bruker 200 mL vatn. Talet på joule som har gått ut av vatnet, er då

$$ \mathrm{4,2}·200·\text{temperaturnedgangen i gradar}$$.

Rekn ut for begge tilfella, og fyll inn i tabellen.

Anta at all energien som er forvunnen frå isoporbegeret, har forsvunne frå overflata av vatnet. Anta òg at det er forsvunne like mykje energi frå vassoverflata i glaset som i isoporbegeret. Då kan vi anta at forskjellen kjem av energien som forsvinn ut av glasveggen.

1. Rekn ut kor mykje energi dette er.

2. Rekn ut kor mange watt dette svarer til.

3. Anta at sideflata til glaset og isoporbegeret er 150 cm². Rekn ut varmegjennomgangen i watt/cm² for begge behaldarane.

Forklar forskjellane i temperaturnedgangane og forskjellane i varmegjennomgang for dei to materiala.