Oppgåve
Korleis verkar fordøyinga?
Kva skjer med maten vi et, og korleis kjem næringsstoffa ut til cellene i kroppen? I denne oppgåva kan du lære meir om dei ulike fordøyingsorgana og prosessane som skjer i fordøyingssystemet.
Bilete: Fredrik Sandberg / CC BY-NC-SA 4.0
Til desse oppgåvene treng de plakatkartong, lim og ting frå naturen som kan nyttast til å byggje ein modell av fordøyingssystemet. I tillegg treng de ei pakke linfrø til den praktiske øvinga.
Lag ein modell av fordøyingssystemet. Bruk modellen til å forklare klassen kva som skjer frå maten kjem inn i munnen, til avføringa går ut av endetarmen.
- Set namn på dei ulike fordøyingsorgana.
- Fortel kva som skjer i dei ulike delane av fordøyingsprosessen.
- Kva råd om tiltak for å betre fordøyinga vil du som fagarbeidar gi til brukarar i helse- og oppvekstsektoren? Grunngi forslaga dine.
Fordøyingssystemet jobbar i ulikt tempo frå person til person, og det blir òg påverka av kva vi et og drikk og av aktivitetsnivået vårt.
- Et ei spiseskje linfrø og drikk rikeleg med vatn.
- Følg med på avføringa di framover. Når du kan observere linfrøa i di eiga avføring, noterer du dato og klokkeslett på ein lapp. Ikkje skriv namnet ditt på lappen.
- Etter ei veke samlar de inn lappane frå alle i klassen. Lag eit diagram som viser dei ulike svara. Kor stor er variasjonen, og kva blir gjennomsnittstida frå frøa går inn, til dei kjem ut?