Fagartikkel

Fordøyingsprosessen

I kvart organ i fordøyingssystemet blir maten broten ned i mindre og mindre delar. Blodet tek opp dei minste delane gjennom tarmveggen. Nedanfor finn du ei oversikt over kva for prosessar som går føre seg i dei ulike organa.

Fordøyelsessystem kvinne. Illustrasjon. — Bilete: Science Photo Library / CC BY-NC-SA 4.0

Prosessar i ulike organ

Mekanisk oppdeling ved hjelp av tennene i munnen og musklane i magesekk og tarm.
Kjemisk nedbryting av næringsstoff i munn, magesekk, tolvfingertarm og tynntarm.
Oppsuging av næringsstoff, absorbsjon, i tynntarm og tjukktarm.

Nedbryting og opptak i ulike organ

Munn

Mekanisk nedbryting: Maten blir delt opp når vi tygg. Maten får spytt som gjer han lettare å svelgje.
Kjemisk nedbryting: Enzym i spyttet spaltar karbohydrat i kortare kjeder.

Svelg

Mekanisk nedbryting: Svelget pressar maten ned i matrøret.

Matrør

Mekanisk nedbryting: Peristaltiske (bølgjerørsler) rørsler pressar maten nedover.

Magesekk

Mekanisk nedbryting: Maten får magesaft som gjer han flytande. Blandinga av mat og magesyre blir elta. Syra i magesafta drep bakteriar.
Kjemisk nedbryting: Enzym spaltar protein i kortare kjeder.

Tolvfingertarm

Mekanisk nedbryting: Maten får galle frå levra og bukspytt frå bukspyttkjertelen.
Kjemisk nedbryting: Gallen finfordeler feittet. Enzym i bukspyttet spaltar næringsstoffa i enda mindre delar.

Tynntarm

Mekanisk nedbryting: Muskelsamantrekkingar skyv maten framover i tarmen.
Kjemisk nedbryting: Enzym i tarmsafta spaltar næringsstoffa: Protein blir spalta til aminosyrer. Karbohydrat blir spalta til monosakkarid. Feitt blir spalta til feittsyrer.
Opptak: Tarmveggen tek opp aminosyrer, monosakkarid og feittsyrer, og dette blir frakta vidare med blodet.

Tjukktarm

Mekanisk nedbryting: Muskelsamantrekkingar skyv maten framover i tarmen.
Opptak: Tarmveggen sug opp mineral og vatn, og dette blir frakta vidare med blodet.

Endetarm

Mekanisk nedbryting: Restane blir lagra og støytt ut som avføring.

I dette filmklippet frå NRK kan du sjå korleis dei ulike tarmane ser ut, og korleis tarminnhaldet endrar konsistens og utsjånad i løpet av fordøyingsprosessen.