Som regel tenkjer vi ikkje over at vi pustar for å tilføre kroppen oksygen og kvitte oss med karbondioksid. Men korleis går eigentleg denne prosessen i lungene føre seg?
Sjå filmklippet frå NRK om lungene, og gjer dei følgjande oppgåvene.
Oppgåver
- Teikn ei skisse av respirasjonssystemet, og set namn på alle respirasjonsorgana.
- Kvifor er den eine lunga mindre enn den andre?
- Teikn eller lag ein modell av ein alveol og eit kapillær. Bruk dette til å forklare korleis gassutvekslinga i lungene går føre seg. Bruk fargane raudt og blått for å illustrere oksygenrikt og oksygenfattig blod.
Kva blir meint med lungekapasitet?
Kvifor har idrettsutøvarar betre lungekapasitet enn personar som ikkje trenar?
Korleis kan du trene opp lungekapasiteten din?
CC BY-SASkrive av Vigdis Haugan.
Sist fagleg oppdatert 08.06.2020