Alle menneske har behov for kontakt med andre og for å dele tankar, erfaringar, følelsar og ønske. Denne kontakten og utveksling av informasjon kallar vi kommunikasjon. Dei som deltek i ein diskusjon, må samarbeide. Dei må vere ærlege med kvarandre og gjere sitt beste for å forstå kvarandre rett.

Kommunikasjon mellom tilsette på arbeidsplassen kallar vi intern kommunikasjon. God kommunikasjon mellom kollegaer og mellom leiarar og tilsette er viktig. Det gjer kvardagen lettare og kan vere med på å skape gode relasjonar og eit godt miljø på jobb.