Preteritum perfektum

Preteritum perfektum blir også kalla pluskvamperfektum. Tidsforma uttrykker "før-fortid": Når vi fortel om to hendingar som har skjedd etter kvarandre, bruker vi før-fortid om det som skjedde først, og preteritum om det som skjedde etterpå.

Vi dannar preteritum perfektum med preteritumsforma av haben eller sein og hovudverbet i perfektum partisipp:

• Nachdem sie die Hausaufgaben gemacht hatte, ging sie zum Training. Etter at ho hadde gjort leksene, drog ho på trening.

• Er musste noch mal zurück, denn er hatte seinen Schlüssel vergessen. Han måtte dra tilbake, for han hadde gløymt nøkkelen sin.

• Die Schüler waren gespannt, denn sie waren noch nie in Hamburg gewesen. Elevane var spente, for dei hadde aldri vore i Hamburg før.

• Der Junge weinte, weil er seinen Ball verloren hatte. Guten gret fordi han hadde mista ballen sin.

Gjer øvingane. Omsett òg alle setningane munnleg til norsk medan du jobbar.

Jobb gjerne i par:

• A les setningane slik dei står og omset dei til norsk.
• B gjer om til preteritum og preteritum perfektum slik som i eksempelet.
• A kontrollerer mot fasit og les svaret høgt.
• Byt roller for kvart kort.

Treng de ei litt større utfordring, vel øving 3 i staden. Eller start med øving 2 og gjer deretter øving 3.

Éin ting meir å tenke på – både rett verbform og rett verbplassering.